ಜೀವನದ ಉಕ್ತಿ

ಮರೆತೆ ನಲಿವ

ಗತ ಘಳಿಗೆಯ ನೆನಪಲಿ

ಇಂದು ತಂದ ಹೊಸ

ಉಲ್ಲಾಸವ

ಮರೆತು ನಿಂತೆ ದೂರದಲಿ

ಬತ್ತಿದೆಯಲಿ ಬಿತ್ತು ನೀನು

ಪ್ರೀತಿ ಕರುಣೆ ಸೌಹಾರ್ದತೆ

ತುಂಬಿಸೆಲ್ಲವ ಕಲಿತ ಪಾಠವ

ಜೀವನದ ಹೊತ್ತಿಗೆಗೆ

ಎದುರಿಸುವ ಛಲ

ನಿನ್ನಲಿದ್ದರೆ

ನೀನು ಸದಾ ವಿಜಯಶಾಲಿ

ಕೂತು ನೀನು ಮರುಗಿದರೆ

ನಿನ್ನಂತ ಮೂರ್ಖರಿಲ್ಲವೋ

ಓ ಬಡಪಾಯಿ

ನಂಬಿಕೆಯಲೇ ಬಾಳು

ನೀನು ಕಾಲದ ಆಳು

ಮರುಗುವ ಮನಕ್ಕೆ ಹೇಳು

ಮಾಡದಿರು ಜೀವನವ ಹಾಳು

ನಗುವು ಸಂತೋಷದ ಸಂಕೇತ

ಅಳುವು ಹೇಡಿಯ ಧ್ಯೋತಕ

ತಿಳಿ ಮನದಿ ನಗು ಮುಗದಿ

ನವ ಜೀವನದ ಆದಿ

ಮರಳಿ ಶಾಲೆಗೆ

ಮರಳಿ ಶಾಲೆಗೆ

****************

ಮುಂಜಾನೆ ಎದ್ದು

ಸೂರ್ಯನ ಕಿರಣಕ್ಕೆ

ಮುಖವೊಡ್ಡಿ ನಿಂತು

ಆಗಸವ ನೋಡಿದರೆ

ಮನವು ಪುಟಿಯುವ

ಪುಟ್ಟ ಕರುವಂತೆ

ಜಿಗಿಯುವುದು

ದಿನದ ಸಾಧನೆಗೆ

ಪ್ರೇರೇಪಿಸುವುದು

--------------------

ಬೆನ್ನಲ್ಲಿ ಪಾಟಿಚೀಲ

ಸಮವಸ್ತ್ರ ಧಾರಣೆ

ಅಣ್ಣ ತಂಗಿಯ ಕೈಯ

ಹಿಡಿದು ನಡೆಯುತಿರಲು

ಬಲು ಆಸೆಯು ನನಗೆ

ಚಿಕ್ಕವಳಾಗಿ ಕಲಿಯಲು

ಮತ್ತೆ ಕರೆಯುವುದೇ ಶಾಲೆಯು ನನ್ನ

ಓಡೋಡಿ ನಾ ಬರುವೆ